വിവാദ നിയമങ്ങള്ക്കും പരിഷ്കരണങ്ങള്ക്കുമെതിരെ ദ്വീപ് ജനത പ്രതിഷേധം ആരംഭിച്ച ശേഷം ആദ്യമായാണ് അഡ്മിനിസ്ട്രേറ്റര് പ്രഫുല് പട്ടേല് ദ്വീപിലെത്തുന്നത്. എന്നാല് പ്രഫുല് പട്ടേലിന്റെ പരിപാടികളില് പൊതുജനങ്ങളോ ജനപ്രതിനിധികളോ പങ്കെടുക്കരുതെന്നാണ് സേവ് ലക്ഷദ്വീപ് ഫോറം ആവശ്യപ്പെട്ടത്. പ്രതിഷേധ പരിപാടികള് വീടുകളില് തന്നെ നടക്കും.
മുസ്ലീം ഭൂരിപക്ഷപ്രദേശമായ ലക്ഷദ്വീപില് പട്ടേല് കൊണ്ടുവരുന്ന ഭരണപരിഷ്കാരങ്ങളില് കശ്മീര് മോഡലിന്റെ അടരുകള് കാണാമെങ്കിലും അവിടെ കേന്ദ്രം കൊണ്ടുവരാനുദ്ദേശിക്കുന്നത് ഗുജറാത്ത് മോഡല് വികസനം തന്നെയാണെന്നാണ് പ്രകാശ് കാരാട്ട് നിരീക്ഷിക്കുന്നത്.